இந்த சந்திப்பு மிகவும் பயனுள்ளதாக இருந்தது. கிட்டதட்ட அங்கு வந்திருந்த அனைவரையுமே (மா.சிவக்குமாரைத் தவிர) தற்போதுதான் முதன்முதலில் நேரில் சந்திக்கிறேன். சிவக்குமாரை கிட்டதட்ட 5 வருடத்திற்கு முன்பு மலேசியாவில் பார்த்தேன். அப்போது இருந்த மாதிரியே தற்போதும் இருக்கிறார்

வினையூக்கி, சென்சி, பாலபாரதி, மோகன்தாஸ், உண்மைத்தமிழன், வித்யா, செந்தழல் ரவி போன்ற வலைப்பதிவர்களை சந்தித்த மாத்திரத்தில் அவர்களின் சுறுசுறுப்பு என்னையும் தொற்றிக்கொண்டது. நீண்ட நாள் நண்பர்கள் போல் அவர்களுடன் ஒட்டிக்கொள்ள முடிந்தது. ஓசை செல்லாவை சந்திக்க முடியவில்லை என்பது சற்று ஏமாற்றம். பாமரன் அய்யாவின் சமூக அக்கரையுடன் கூடிய கட்டுரைகளை முன்பே படித்திருக்கிறேன். பாமரனை சந்தித்தது எதிர்பாராத மகிழ்ச்சி.

அண்மையில் நடைபெற்ற சென்னை தமிழ்வலைப்பதிவர் கூட்டத்தில் சுமார் 50 பேர் கலந்துகொண்டார்கள் என்ற செய்தி மகிழ்ச்சியளிக்கிறது.

இத்தளத்தில் இதை ஒரு தனிப் புரோஜக்டாக பதிந்துள்ளேன்.
http://code.google.com/p/tamilblogs/

தற்போது தரவுத்தள வசதியை கொண்டுள்ள lylina என்ற மென்பொருளை அடிப்படையாகக் கொண்டு புதிய தமிழ்பதிவுகள் திரட்டியை உருவாக்கியுள்ளேன். 

பயனரைப் பொருத்தவரை தமிழ்ப்பதிவுகள் தளத்தில் அவ்வளவாக மாற்றங்கள் தெரியாது.

தற்போதுள்ள ஒரே மாற்றம் rss செய்தியோடை முகவரி மாற்றம் தான்.
புதிய செய்தியோடை முகவரி: http://tamilblogs.com/rss.php

நீங்கள் தமிழ்ப்பதிவுகள் செய்தியோடையை உபயோகிப்போராக இருந்தால் செய்தியோடை முகவரியை மாற்றிக்கொள்ளுங்கள்.

மேலும் மாற்றங்கள் சில தினங்களில் ...

கடந்த சனிக்கிழமை அன்று சென்னையிலிருந்து பெங்களூர் வரை சதாப்தி ரயில் வண்டியில் வரும் வாய்ப்புகிடைத்தது. நான் எதிர்பார்த்ததை விட சதாப்தி ரயில் சேவை சிறப்பாக இருந்தது. அதைப்பற்றிய என் எண்ணங்களை வலைப்பதிவிடவேண்டும் என்று ஆவல் அப்போதே எழுந்தது.